آپ آف لائن ہیں
اتوار5؍رمضان المبارک 1442ھ 18؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اسد مجید اور منیر اکرم کا جو بائیڈن کے اقتدار سنبھالنے کا خیر مقدم

امریکا میں پاکستان کے سفیر اسد مجید اور اقوام متحدہ میں پاکستان کے مندوب منیر اکرم نے امریکا کے نئے صدر جو بائیڈن کے حلف اٹھانے کا خیر مقدم کیا ہے۔

امریکا میں پاکستان کے سفیر اسد مجید نے کہا ہے کہ چاہتے ہیں کہ نئی انتظامیہ کےساتھ پاک امریکا تعلقات 2 طرفہ مفادات کی بنیاد پر استوار کیئے جائیں۔

جاری کیئے گئے ایک بیان میں امریکا میں پاکستانی سفیر کا یہ بھی کہنا ہے کہ امریکا کو پاکستان سے تعلقات چین، افغانستان یا بھارت کے تناظر میں طے نہیں کرنے چاہئیں۔

دوسری جانب ایک بیان میں اقوام متحدہ میں پاکستان کے مندوب منیر اکرم کا کہنا ہے کہ امریکا سے نئے سرے سے تعلقات استوار کرنے کا موقع ملا ہے۔


اقوامِ متحدہ میں پاکستان کے مندوب کا یہ بھی کہنا ہے کہ امریکا سے تعلقات کے حوالے سے پاکستان کو حقیقت پر مبنی ترجیحات طے کرنا ہوں گی۔

قومی خبریں سے مزید