آپ آف لائن ہیں
جمعہ20؍ رجب المرجب 1442ھ 5؍مارچ2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سفاک شوہر ہی بیوی اور 4 بچوں کا قاتل نکلا


گوجرانوالہ میں خاتون اور اس کے چار بچوں کے قتل کے معاملے میں اہم پیشرفت سامنے آئی ہے، مقتولہ خاتون کا شوہر عمران ہی ملزم نکلا۔

پولیس کے مطابق حراست کے دوران ملزم نے اعتراف جرم کر لیا ہے۔


پولیس کا کہنا ہے کہ ملزم نے پولیس کو بیان میں بتایا کہ اس نے اپنی بیوی کو غیرت کے نام پر قتل کیا، اور بچوں کےاٹھنے پر انہیں بھی قتل کردیا۔

وزیراعلیٰ پنجاب سردار عثمان بزدار نے گوجرانوالہ کے گھر سے ماں اور اس کے 4 بچوں کی  لاشیں ملنے کے افسوسناک واقعے کا نوٹس لیتے ہوئے آر پی او گوجرانوالہ سے رپورٹ طلب کی تھی۔

واضح رہے کہ پنجاب کے ضلع گوجرانوالہ کے علاقے ڈوگرانوالہ میں واقع ایک گھر سے 1 خاتون اور اس کے 4 بچوں کی لاشیں ملی تھیں۔

گوجرانوالہ پولیس کے مطابق ڈوگرانوالہ کی رہائشی خاتون اور اس کے بچوں کو سر پر وار کر کے قتل کیا گیا ہے۔

قومی خبریں سے مزید