چین سے 31 جنوری تک کورونا ویکسین پاکستان آجائے گی، وزیر خارجہ

وزیر خارجہ شاہ محمود قریشی نے کہا ہے کہ چین سے 31 جنوری تک کورونا وائرس کی ویکسین پاکستان آجائے گی۔ 

وزیر خارجہ نے بتایا کہ 31 جنوری تک کورونا ویکسین کی 5 لاکھ اور فروری تک 11 لاکھ خوراکیں پاکستان کو مل جائیں گی۔

ان کا کہنا تھا کہ چین کی ویکسین کے پاکستان میں ٹرائلز کے حوصلہ افزا نتائج سامنے آئے ہیں۔

وزیر خارجہ نے یہ بھی بتایا کہ چین نے پاکستان میں ویکسین کی تیاری پر بھی آمادگی کا اظہار کیا ہے۔