آپ آف لائن ہیں
اتوار15؍ رجب المرجب 1442ھ 28؍ فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

این آراو زدہ سیاسی خانہ بدوشوں کی باتوں کوسنجیدہ نہیں لیتے،حافظ حمداللہ

کوئٹہ( آئی این پی ) جمعیت علماء اسلام کے مرکزی رہنماء وسینیٹر اور ڈپٹی سیکرٹری اطلاعات پاکستان ڈیموکریٹک موومنٹ مولانا حافظ حمداللہ نے کہاہے کہ شیخ رشید جیسا لوٹا میدان سیاست کا بارہواں کھلاڑی تو کجا سکواڈ میں بھی شامل نہیں، مدارس دینیہ اور انکے طلبا کے خلاف زہر افشانی اور حکومتی سطح پر پروپیگنڈہ ناقابل برداشت ہے، حکومتی جلسوں میں باجے باجیوں کے رقص وسرور جائز جبکہ ہمارے جلسوں میں مدارس کے طلبا کی شرکت پر اعتراض بدنیتی اور مدارس مخالف زہنیت کی عکاس ہے، مدارس اور انکے طلبا کو حقیر نہ سمجھا جائے، ملکی سیاست میں ان کا بھی اتنا ہی حق ہے جتنا کالج اور یونیورسٹی کے طلبہ کا ہے ۔ان خیالات کا اظہار انہوں نے گزشتہ روز اسلام آباد میں اپنی رہائش گاہ پر جمعیت کے رہنماؤں پر مشتمل مختلف وفود سے ملاقات اور نجی ٹی وی چینل کے پروگرام میں سوالات کے جوابات دیتے ہوئے کیا۔انہوں نے کہاکہ ملکی تاریخ کے سب سے بڑے لوٹے اور این آر او زدہ سیاسی خانہ بدوش حکومتی صف میں کھڑے ہیں، انکی باتوں اور بھڑکیوں کو ہم سنجیدہ نہیں لیتے بلکہ انہیں تنقید کا اہل سمجھنا بھی ہم اپنی توہین سمجھتے ہیں، آج اپوزیشن نہیں بلکہ حکومت این آر او کی بھیک مانگ رہی ہے، انہوں نے کہا کہ پاکستان ڈیموکریٹک موومنٹ کی تمام جماعتیں ایک مولوی کی قیادت

میں حکومت کا جنازہ پڑھنے کا عہد کرچکی ہیں۔

کوئٹہ سے مزید