تین بار وزیر اعظم بننے والا نواز شریف دھوکے باز نکلا، اعظم خان سواتی

وزیر ریلوے اعظم خان سواتی نے کہا ہے کہ تین بار وزیر اعظم بننے والا نواز شریف دھوکے باز نکلا، حکومت اور ایجنسیوں کو دھوکا دے کر ہٹا کٹا لندن جا کر بیٹھ گیا۔

وزیر ریلوے اعظم خان سواتی نے جیونیوز سے گفتگو کرتے ہوئے کہا کہ بڑے بڑے گھپلے کرنے والے منطقی انجام کو کیوں نہیں پہنچتے۔

اعظم خان سواتی نے کہا کہ ملک لوٹنے والوں کو عدالتیں تکنیکی بنیاد پر نہ چھوڑیں اور غلطی مانتے ہیں کہ نواز شریف کے معاملے میں حکومت دھوکا کھا گئی۔

اب ریلوے بدنامی کا ذریعہ نہیں ہوگا، اعظم سواتی

وزیر ریلوےاعظم سواتی کہتے ہیں کہ ریلوے میں سب سے بڑا مسئلہ سیفٹی کا ہے لیکن ُعوام سن لیں اب ریلوے بدنامی کا ذریعہ نہیں ہوگا۔

اُنہوں نے کہا کہ اداروں کو نشانہ بنانا محب وطنی نہیں ملک دشمن بیانیہ ہے۔

اعظم خان سواتی مسلم لیگ نون کی نائب صدر کے حوالے سے کہا کہ مریم نواز اپنی ڈوبتی کشتی میں مولانا اور دیگر نوسربازوں کو بھی لےڈوبیں گی۔

اُنہوں نے یہ بھی کہا کہ عدالتی بگھوڑے اور سزایافتہ کی بیٹی وطن کی کیا خدمت کر ے گی۔

ریلوے کا سیاست سے کوئی تعلق نہیں ہوگا، اعظم سواتی

وفاقی وزیر ریلوے اعظم سواتی کہتے ہیں کہ ریلوے کا سیاست سے کوئی تعلق نہیں ہوگا لہٰذا نہ سیاست ہوگی اور نہ بیرونی مداخلت۔

اعظم خان سواتی نے چیئرمین پاکستان پیپلز پارٹی بلاول بھٹو اور سابق صدر آصف زرداری پر تنقید کرتے ہوئے کہا کہ کرپٹ باپ کا بیٹا بلاول پاکستان کی عزت کیا بحال کرے گا۔