فرمان الہی
نماز کے اوقات
کراچی(اسٹاف رپورٹر)اے وی ایل سی/ سی آئی اے پولیس کراچی نے لاڑکانہ پولیس کے ہمراہ مشترکہ کارروائی کے دورانسابق اولمپئین اصلاح الدین (سابقہ کپتان، منیجر و کوچ پاکستان ہاکی ٹیم)کی چھینی ہوئی کار بر آمد کر لی ۔ تفصیلات کے مطابق 12 جنوری 2021 کو اصلاح الدین کی کار نمبر BNL-554ہونڈا سوک ماڈل 2018 تین مسلح ملزمان اسلحہ کے زور پر چھین کر فرار ہوگئے تھے ،جس کا مقدمہ نمبر 36/2021 تھانہ گلستانِ جوہر کراچی درج کر کے تفتیش اے وی ایل سی کے سپرد کی گئی، مقدمے کی تفتیش کے لئے ایس ایس پی اے وی ایل سی کی ا حکامات پر3 ٹیمیں تشکیل دی گئیں،بالآخر اے وی ایل سی کراچی کی اسپیشل ٹیم نے لاڑکانہ پولیس کے ہمراہ لاڑ کانہ کے تھانہ ماہوٹا کی حدود سے چھینی ہوئی کار برآمد کرلی ،تاہم ملزمان فرار ہونے میں کامیاب ہوگئے جن کی تلاش جاری ہے۔
