وزیرِاعظم عمران خان کیخلاف تحریکِ عدم اعتماد، PPP نے حکمتِ عملی بنالی

پاکستان پیپلز پارٹی (پی پی پی) نے وزیرِاعظم عمران خان کے خلاف تحریکِ عدم اعتماد پر اپنی حکمتِ عملی بنالی۔

اپوزیشن اتحاد پاکستان ڈیموکریٹک موومنٹ (پی ڈی ایم) کے 4 فروری کو ہونے والے سربراہی اجلاس کے سلسلے میں پی ڈی ایم میں شامل جماعتوں نے تجاویز کی تیاریاں شروع کر دیں۔

عمران خان نے پی ڈی ایم کے جلسوں پر مشاورتی اجلاس بلا لیا

وزیراعظم عمران خان نے پاکستان ڈیموکریٹک موومنٹ...

ذرائع کے مطابق پاکستان پیپلز پارٹی نے بھی وزیرِاعظم عمران خان کے خلاف تحریکِ عدم اعتماد پر اپنی حکمتِ عملی بنالی ہے۔

ذرائع نے بتایا ہے کہ پیپلز پارٹی ان ہاؤس تبدیلی سے متعلق اجلاس میں تجاویز پیش کرے گی۔

ذرائع نے مزید بتایا ہے کہ پاکستان پیپلز پارٹی (پی پی پی) کے چیئرمین بلاول بھٹو زرداری ان ہاؤس تبدیلی سے متعلق قائدین کو اعتماد میں لیں گے۔

ذرائع کا یہ بھی کہنا ہے کہ سربراہی اجلاس میں لانگ مارچ، پاکستان ڈیمو کریٹک موومنٹ (پی ڈی ایم) کی ریلیوں اور سینیٹ انتخابات پر مشاورت ہو گی۔