مریم نواز کی صاحبزادی مہرالنساء اسپتال سے گھر منتقل

مسلم لیگ نون کی نائب صدر مریم نواز کی صاحبزادی مہرالنساء کو اسپتال سے گھر منتقل کر دیا گیا، مہرالنساء گزشتہ روز گالف کی کار ڈرائیو کرتے ہوئے حادثے کا شکار ہو گئی تھیں، اسپتال میں ان کے سر کی سرجری کی گئی تھی۔

مسلم لیگ نون کی رہنما مریم نواز کی صاحبزادی مہرالنساء کو شریف میڈیکل سٹی اسپتال جاتی امراء سے گھر منتقل کر دیا گیا، ان کی طبیعت اب پہلے سے کافی بہتر بتائی گئی ہے۔

مریم نواز کی بیٹی مہر النسا حادثے میں زخمی، سر کی سرجری

لاہور(خصوصی نمائندہ)پاکستان مسلم لیگ(ن)کی مرکزی...

گزشتہ روز مسلم لیگ نون کی ترجمان مریم اورنگزیب نے بتایا تھا کہ مہرالنساء کو حادثے میں سر پر چوٹ آئی ہے جس کے باعث انہیں اسپتال لے جایا گیا تھا جہاں سرجری کے بعد انہیں آئی سی یو میں منتقل کر دیا گیا تھا۔

مریم نواز نے مہرالنساء کی چوٹ کے باعث حیدرآباد روانگی منسوخ کر دی تھی۔