لاہور: سوشل میڈیا پر اسلحہ کی نمائش اور فائرنگ کرنے والا ملزم گرفتار

لاہور میں تھانہ سمن آباد پولیس نے سوشل میڈیا پر اسلحہ کی نمائش اور ہوائی فائرنگ کرنے والے ملزم کو گرفتار کر لیا۔ ملزم کی سرعام فائرنگ کی ویڈیو بھی منظر عام پر آ گئی۔

پولیس کے مطابق ملزم زبیر نے ہوائی فائرنگ اور ون ویلنگ کی ویڈیو سوشل میڈیا پر اپ لوڈ کی۔ تھانہ سمن آباد پولیس نے کارروائی کر کے ملزم زبیر کو گرفتار کر لیا۔ 

ملزم سے پستول اور گولیاں برآمد ہوئی ہیں۔ پولیس نے ملزم زبیر کے خلاف مقدمہ درج کر کے تحقیقات شروع کر دی ہیں۔ ملزم زبیر کے خلاف تھانہ مسلم ٹاؤن میں بھی ون ویلنگ کے دو مقدمات درج تھے۔