آپ آف لائن ہیں
اتوار5؍رمضان المبارک 1442ھ 18؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سندھ: سلیم مانڈوی والا سمیت پی پی کے 7 سینیٹرز آئندہ ماہ ریٹائر ہوجائیں گے

سندھ میں سینیٹ انتخابات 2021 کی گہماگہمی عروج پر ہے، جہاں ڈپٹی چیئرمین سینیٹ سمیت پاکستان پیپلز پارٹی (پی پی پی) کے سندھ سے منتخب 7 سینیٹرز آئندہ ماہ ریٹائر ہو جائیں گے۔

ذرائع کے مطابق پی پی پی کے ریٹائر ہونے والے سینیٹرز میں رحمان ملک، اسلام الدین شیخ، گیان چند، شیری رحمان اور سینیٹر سلیم مانڈوی والا بھی شامل ہیں۔ 

پی پی کی سینیٹر سسی پلیجو اور سینیٹر فاروق ایچ نائیک بھی آئندہ ماہ ریٹائر ہو جائیں گے۔ 

سینیٹ انتخابات 2021 میں سندھ اسمبلی7 جنرل، 2 ٹیکنوکریٹ اور 2 خواتین کی مخصوص نشستوں کا انتخاب کرے گی۔

سندھ اسمبلی میں 24 ارکان جنرل نشست پر ایک سینیٹر منتخب کریں گے جبکہ خواتین اور ٹیکنوکریٹ نشست کے لیے 56 ارکان کے ووٹ کی ضرورت ہو گی۔

سینیٹ کے لیے پیپلز پارٹی کے ممکنہ امیدواروں میں آئندہ ماہ ریٹائر ہونے والی شیری رحمان، فاروق ایچ نائک اور سلیم مانڈوی والا کے نام پر دوبارہ غور کیا جائے گا۔ 

اسی طرح جام مہتاب ڈہر بھی امیدواروں میں شامل ہیں۔ سینیٹ کی خواتین نشستوں کے لیے سسی پلیجو اور ٹیکنوکریٹ نشست کے لیے تاج حیدر بھی امیدوار ہیں۔

قومی خبریں سے مزید