آپ آف لائن ہیں
منگل29؍شعبان المعظم 1442ھ 13؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

میڈیا پر ویڈیو دیکھ کر ہنسی بھی آتی ہے اور پریشان بھی ہوتا ہوں، پرویز خٹک


وزیر دفاع پرویز خٹک کا کہنا ہے کہ  میڈیا پر ویڈیو دیکھ کر ہنسی بھی آتی ہے اور پریشان بھی ہوتا ہوں، ہارس ٹریڈنگ اور ویڈیو لیک کے معاملے سے اپوزیشن اور میڈیا باخبر ہے۔

 جیونیوز سے گفتگو کرتے ہوئے پرویز خٹک نے کہا کہ سب کو پتا ہے کس گھر میں پیسے تقیسم ہوئے اور کس نے تقسیم کیے۔

پرویز خٹک نے کہا کہ میرا ضمیر صاف ہے میں کسی کی پرواہ نہیں کرتا، جھوٹے الزام لگانے والے کا منہ کالا ہوگا۔

وزیر دفاع نے کہا کہ مجھے اور اسپیکر کو بدنام کرنے کے لیے پروپیگنڈا کیا جا رہا ہے۔

پرویز خٹک نے کہا کہ  کوئی بھی ثابت کر کے دکھائے کسی کو ووٹ کا لالچ یا پیسے دیے ہوں۔

انہوں نے کہا کہ انتخابات اوپن سے ہو یا سیکرٹ بیلٹ سے، تحریک انصاف اپنے حصے کی تمام سیٹیں جیتیں گی، جن کے خلاف تحریک چلائی تھی انہیں مذاکرات کی دعوت دی نہ دیں گے۔

قومی خبریں سے مزید