اسلام آباد (نمائندہ جنگ) وفاقی دارالحکومت اسلام آباد میں سینیٹ الیکشن کے حوالے سے سیاسی سرگرمیاں تیز ہو گئی ہیں ، 27 فروری کو پاکستان مسلم لیگ سیکرٹریٹ چک شہزاد میں محمد نواز شریف( ن) لیگ کے پارلیمنٹرینز ، ٹکٹ ہولڈرز ، سابق مئیر زاور ضلع کونسلوں کے سابق چیئرمینوں کے مشترکہ اجلاس سے ویڈیو لنک خطاب کریں گے جبکہ مرکزی نائب صدر مریم نواز ، سابق وزیر اعظم شاہد خاقان عباسی ، سیکرٹری جنرل احسن اقبال مشترکہ اجلاس میں پی ڈی ایم اور دیگر جماعتوں سے رابطوں کے حوالے سے بریفنگ دیں گے۔