آپ آف لائن ہیں
بدھ یکم رمضان المبارک 1442ھ14؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

اسد عمر بھی ابرار الحق کے گانے کے ’فین‘ ہوگئے

وفاقی وزیر برائے منصوبہ بندی اسد عمر  بھی معروف گلوکار اور پاکستان تحریک انصاف کے رہنما ابرار الحق کے عمران خان کے لیے ریلیز کیے گئے گانے کی تعریف کیے بغیر نہ رہ سکے۔

انہوں نے ٹوئٹر پر جاری اپنے پیغام میں ابرارالحق کے گانے کی تعریف کی۔

وفاقی وزیر نے گلوکار کو ٹیگ کرتے ہوئے لکھا کہ زبردست ابرار، دل خوش ہو گیا سن کر۔‘

خیال رہے گزشتہ دنوں ریلیز کیا جانے والا ابرار الحق نے اپنا گانا ’سُن لے تو‘ عمران خان کے نام کردیا تھا۔

گانے کے بول مبشر حسن نے لکھے ہیں جبکہ میوزک ابرار الحق نے ہی ترتیب دیا ہے۔

3 منٹ اور 7 سیکنڈز پر مشتمل گانے کی ویڈیو میں عمران خان کی زندگی اور بطور وزیراعظم مختلف پہلوؤں کو دکھایا گیا ہے۔ اس منفرد گانے کا خیال اور ڈائریکشن بیرسٹر علی مہدی نے دی ہے۔

انٹرٹینمنٹ سے مزید