• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لورالائی :شوروم ایسوسی ایشن کے صدر کا قاتل گرفتار

میرا شہر
کوئٹہ
12 مارچ ، 2021
کوئٹہ ( اسٹاف رپورٹر)لورالائی پولیس نےشوروم ایسوسی ایشن کے صدرکی ملنے والی لاش کا معمہ حل کرتے ہوئے ایک قاتل کو گرفتار کر لیا ۔دوسرے کی گرفتاری کیلئے چھاپے مارے جا رہے ہیں۔ پولیس کے مطابق لورالائی کے علاقے ڈیرہ روڈ گرڈ اسٹیشن کے قریب سے لورالائی شوروم ایسوسی ایشن کے صدر اختر شاہ اتمانخیل کی لاش ملی تھی جسے نامعلوم افراد نے فائرنگ اور پتھر وں کے وار کر کے ہلاک کر دیا تھا اور لاش پھینک کر فرار ہو گئے تھے ایس ایس پی لورالائی سجاد حیدر ترین کو خفیہ اطلاع ملی تھی کہ مقتول کے قتل میں ملوث ایک ملزم مختیار احمد لورالائی میں موجود ہے جس پر ایس ایچ او عبدالرحمن کی سربراہی میں ٹیم تشکیل دی جس نے کارروائی کرتے ہوئے ملزم کو گرفتار کر لیا۔ پولیس نے بتایا کہ ابتدائی تفتیش میں ملزم نے قتل کا اعتراف کرتے ہوئے بتایا کہ لین دین کے تنازع پر مقتول کو اپنے ساتھی کے ساتھ قتل کیا تھا۔ پولیس دوسرے ساتھی کی گرفتاری کیلئے چھاپے مار رہی ہے ۔
تازہ ترین