فرمان الہی
نماز کے اوقات
کراچی(جنگ نیوز) ن لیگی رہنما طلال چوہدری نے طنز کرتے ہوئے کہاہےکہ ’بلاول بھٹو صاحب، ’نیوٹرل‘ کا مزہ آیا۔پاکستان مسلم لیگ (ن) کے رہنما طلال چوہدری نے پاکستان کے ایوان بالا (سینیٹ) میں چیئرمین کے انتخاب میں اپوزیشن اتحاد پاکستان ڈیمو کریٹک موومنٹ (پی ڈی ایم) کے امیدوار یوسف رضا گیلانی کی شکست پر طنز کیا ہے،ایک پیغام میں طلال چوہدری کا کہنا تھاکہ ’بلاول بھٹو صاحب! ’’نیوٹرل‘‘ کا مزہ‘ آیا۔اس کے جواب میں پاکستان پیپلزپارٹی کے چیئرمین بلاول بھٹو زرداری نے پریس کانفرنس کے دوران کہا کہ ’طلال صاحب یہ کوئی ’’تنظیم سازی ‘‘نہیں بلکہ یہ جمہوری جدوجہد ہے۔ طلال چوہدری کی طرح میں 2018 سے جدوجہد نہیں کررہا، میں تین نسلوں سے جمہوری جدوجہد کررہا ہوں۔
