• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سلمان خان نے مداحوں کا انتظار ختم کروادیا

تازہ ترین
انٹرٹینمنٹ
13 مارچ ، 2021
سلمان خان نے مداحوں کا انتظار ختم کروادیا

بالی ووڈ کے چُل بُل پانڈے سلمان خان نے دُنیا بھر میں موجود اپنے مداحوں کو اپنی نئی آنے والی فلم ’رادھے‘ کے حوالے سے بڑی خوشخبری سُنا دی۔

سماجی رابطے کی ویب سائٹ ٹوئٹر پر سلمان خان نے اپنی نئی آنے والی فلم ’رادھے‘ کے پوسٹر کی تصویر شیئر کی ہے۔

سلمان خان نے فلم ’رادھے‘ کا پوسٹر شیئر کرتے ہوئے اپنے ٹوئٹ میں لکھا کہ ’عید کا وعدہ کیا تھا تو عید پر ہی آئیں گے۔‘

بالی ووڈ اسٹار نے لکھا کہ ’میں ایک بار جو کمٹمنٹ کردیتا ہوں پھر وہ کرکے ہی رہتا ہوں۔‘

فلم ’رادھے‘ عید پر ریلیز ہوگی، سلمان خان

سلمان خان نے اپنے سوشل میڈیا اکاؤنٹس پر پیغام جاری کیا جس میں ان کا کہنا تھا کہ میں تھیٹر مالکان اور اس سے جڑے لوگ جس مالی پریشانی سے گزر رہے ہیں اس کو جانتا ہوں اس لئے میں اپنی فلم رادھے کو تھیٹرز میں ریلیز کر کے ان کی مدد کرنا چاہتا ہوں۔ اس وقت کےدوران یہ بہت بڑا فیصلہ ہے۔

سلمان خان نے اپنے ٹوئٹ میں یہ بھی بتایا کہ اُن کی فلم ’رادھے‘ رواں سال 13 مئی کو ریلیز ہوگی۔

اداکار نے ہیش ٹیگ میں لکھا کہ ’فلم کو ریلیز ہونے میں صرف دو ماہ باقی ہیں۔‘

خیال رہے کہ گزشتہ برس مئی سے قبل رادھے فلم کی شوٹنگ مکمل ہوجانی تھی لیکن عالمی وبا کورونا وائرس کی وجہ سے مارچ کے مہینے میں بھارت میں نافذ ہونے والے لاک ڈاؤن کی وجہ سے فلم کی شوٹنگ التوا کا شکار ہوگئی تھی۔

سلمان خان کو فلم رادھے سے متعلق ’اہم خط‘ موصول

اس خط میں سلمان خان سے درخواست کی گئی وہ اپنی نئی فلم رادھے کو او ٹی ٹی پلیٹ فارم سے پہلے بڑے پردے پر ریلیز کریں

سلمان خان نے اکتوبر 2020 کے اوائل میں فلم کی شوٹنگ شروع کی تھی جو اسی ماہ مکمل ہوگئی تھی۔

فلم میں سلمان خان کے ساتھ جیکی شروف، رندیپ ہودا اور دیشا پٹانی بھی شامل ہیں۔

تازہ ترین