ٹک ٹاک بند ہونے پر کوئی دُکھ نہیں: جنت مرزا

پاکستان کی نمبر ون ٹک ٹاک اسٹار جنت مرزا نے کہا ہے کہ اُنہیں مختصر ویڈیو شیئرنگ ایپ ٹک ٹاک بند ہونے پر کسی قسم کا کوئی دُکھ اور افسوس نہیں ہے۔

سوشل میڈیا سائٹ انسٹاگرام پر جنت مرزا نے گزشتہ روز سوال و جواب کا ایک سیشن رکھا جس میں ٹک ٹاک اسٹار کے مداحوں نے اُن سے مختلف سوالات کیے۔

ایک صارف نے جنت مرزا سے پوچھا کہ ’آپ کو ٹک ٹاک بند ہونے پر دُکھ ہورہا ہے؟ جس پلیٹ فارم سے آپ کو شہرت ملی تھی اُسی پر پابندی لگ گئی ہے۔‘

صارف کے سوال کا جواب دیتے ہوئے جنت مرزا نے کہا کہ ’مجھے دُکھ کس بات کا ہوگا؟ جتنی عزت، شہرت اور کام نصیب میں لکھا ہے، وہ مجھے لازمی ملے گا اور شاید ابھی تک مل بھی چکا ہے۔‘

ٹک ٹاک بند: حور ماہاویرا کی مقبولیت میں اضافہ

پشاور ہائی کورٹ کی جانب سے ملک بھر میں مختصر ویڈیو شیئرنگ ایپ ٹک ٹاک پر جہاں پابندی عائد کی گئی ہے تو وہیں ٹک ٹاک اسٹار حور ماہاویرا کی مقبولیت میں بھی اضافہ ہوگیا ہے۔

جنت مرزا نے کہا کہ ’مایوسی حرام ہے لہٰذا ہمیں کسی بھی فیصلے پر افسردگی کا اظہار نہیں کرنا چاہیے۔‘

ٹک ٹاک اسٹار نے کہا کہ ’اگر ہم اس بات پر یقین کرلیں کہ اللّٰہ تعالیٰ جو کرتا ہے ہماری بہتری کے لیے ہی کرتا ہے تو یقین کریں مایوسی، دُکھ، درد یہ سب خود ہی ہم سے دور چلے جائیں گے۔‘

پشاور ہائیکورٹ کا ٹک ٹاک آج سے بند کرنے کا حکم

پشاور ہائیکورٹ نے مختصر ویڈیو شیئرنگ ایپ ٹک ٹاک آج سے بند کرنے کا حکم دے دیا۔

اُنہوں نے کہا کہ ’جتنی شہرت ملنی ہے وہ ٹک ٹاک کے بجائے کسی دوسرے ذرائع سے بھی مل جائے گی۔‘

جنت مرزا نے مزید کہا کہ ’بہت جلد ٹک ٹاک پر لگی پابندی ختم ہوجائے گی۔‘

گُل پانڑہ کی ٹک ٹاک پر انٹری

معروف پشتو فوک گلوکارہ گُل پانڑہ نے گلوکاری کے بعد اب ٹک ٹاک کی دُنیا میں بھی قدم رکھ دیا ہے۔

خیال رہے کہ گزشتہ دنوں پشاور ہائیکورٹ نے مختصر ویڈیو شیئرنگ ایپ ٹک ٹاک بند کرنے کا حکم دیا تھا، دوران سماعت چیف جسٹس قیصر رشید خان نے کہا تھا کہ ٹک ٹاک پر جو ویڈیوز اپ لوڈ ہوتی ہیں وہ ہمارے معاشرے میں قابل قبول نہیں۔

جنت مرزا ایک بار پھر ٹک ٹاک پر چھاگئیں

پاکستان کی ٹاپ ماڈل اور ٹک ٹاک اسٹار جنت مرزا کے ویڈیو شیئرنگ ایپ ٹک ٹاک پر 13 ملین فالوورز ہوگئے ہیں۔

چیف جسٹس پشاور ہائیکورٹ نے کہا تھا کہ ٹک ٹاک ویڈیوز سے معاشرے میں فحاشی پھیل رہی ہے لہٰذا اس کو فوری طور پر بند کیا جائے۔