میگھن کے الزامات پر بکھنگم پیلس کا آزاد تفتیش کاروں کی خدمات لینے کا فیصلہ

لندن (جنگ نیوز) میگھن مارکل کے الزامات پر بکھنگم پیلس نے آزاد تفتیش کاروں کی خدمات لینے کا فیصلہ کیا ہے۔ادھر میگھن مارکل نےکہا ہے کہ شاہی عملے کی تضحیک کے حوالے سے ان پر لگائے گئے الزامات کے بارے میں ای میلز اور میسجز اور دستاویزات خود دیکھنا چاہتی ہوں۔برطانوی میڈیا کے مطابق دونوں جانب سے اس بڑھتے ہوئے معاملے پر قانونی چارہ جوئی کی تیاریاں کی جا رہی ہیں تاہم بکھنگم پیلس نے آزاد تفتیش کاروں کی خدمات لینے کا فیصلہ کیا ہے۔