آپ آف لائن ہیں
پیر6؍رمضان المبارک 1442ھ 19؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سرکاری ملازمین کو حساس معلومات والے سوشل میڈیا گروپ چھوڑنے کی سفارش

اسلام آ باد ( ر ا نا غلام قادر) و فا قی حکومت نے سوشل میڈیا پلیٹ فارمز کے استعمال سے متعلق اہم ایڈوائزری جاری کردی ہے سرکاری ملازمین کو حساس معلومات والے سوشل میڈیا گروپ چھوڑنے کی سفارش کی گئی،اہم معلومات شیئرکرنے سے جاری آپریشنز خطرے میں پڑسکتا ہے،و فا قی حکومت کی اہم ایڈوائزری جاری کردی گئی۔

ذرائع کے مطابق ایڈوائزری میں بعض سرکاری اداروں کے ملازمین کی جانب سے سوشل میڈیا پلیٹ فارمز کے استعمال پر گہری تشویش کا اظہار کیا گیا ہے-ملازمین کو حساس معلومات والے وٹس ایپ-فیس بک اور ٹویٹر گروپ فوری چھوڑنے کی سفارش کردی گئی ہے۔ 

حکومت نے سوشل میڈیا پلیٹ فارمز کے استعمال سے متعلق ایڈوائزری جاری کردی-ایڈوئزاری تمام وفاقی وزارتوں،ڈویژن کے سیکریٹریز اورصوبوں کے چیف سیکریٹریز کو بھجوادی گئی ہے۔

ایڈوائزری کے مطابق بعض سرکاری اداروں کے ملازمین اہم سرکاری معلومات سوشل میڈیا پر شئیر کررہے ہیں-اہم معلومات شئیر کرنے سے جاری آپریشنز خطرے میں پڑسکتا ہے-اس لئے ملازمین کو سوشل میڈیا فورمز کے استعمال سے گریز کرنے کا کہا گیا ہے۔

ایڈوائزری میں ملازمین کو حساس معلومات والے وٹس ایپ ،فیس بک ،ٹویٹر گروپ فوری چھوڑنے-حساس معلومات سوشل میڈیا پر شئیر کرنے سے گریز کرنے-ملازمین کو حساس معلومات والے گروپس بلاک کرنے کیلئے انکی نشاندہی اور ملازمین کو اپنی معلومات محفوظ بنانے کیلئے دوہری تصدیق کا نظام اپنانے کی سفارش کی گئی ہے۔

اہم خبریں سے مزید