عثمان بزدار کی بزرگوں کو ویکسین لگانے کا کام مزید تیز کرنے کی ہدایت

وزیراعلیٰ پنجاب عثمان بزدار نے کہا ہے کہ کورونا وائرس کی موجودہ لہر پہلے سے زیادہ خطرناک ہے، بزرگ شہریوں کو کورونا وائرس کی ویکسین لگانے کا کام مزید تیز کیا جائے۔

لاہور سے جاری کیے گئے اپنے بیان میں عثمان بزدار نے کہا کہ حکومت کو تاجر برادری کا پورا احساس ہے، تاجر برادری انسداد کورونا ایس او پیز کے حوالے سے تعاون کرے۔

عثمان بزدار نے ہدایت دی کہ حکام کورونا ایس او پیز پر عملدرآمد یقینی بنائیں۔

کورونا وائرس کی برطانوی قسم پاکستان آنے میں حکومت کی نا اہلی نہیں، یاسمین راشد

وزیرصحت پنجاب ڈاکٹر یاسمین راشد نے کہا ہے کہ کورونا وائرس کی برطانوی قسم پاکستان آنے میں حکومت کی نااہلی نہیں۔

وزیراعلیٰ پنجاب کا مزید کہنا تھا کہ انتظامیہ بازاروں اور مارکیٹوں کی بندش کے مقررہ اوقات کی پابندی کرائے۔

واضح رہے کہ پنجاب میں کورونا وائرس کے اب تک 1 لاکھ 86 ہزار659 مریض سامنے آئے ہیں، جبکہ یہاں کُل ہلاکتیں دیگر صوبوں سے زیادہ ہیں جو 5 ہزار769ہو گئیں۔

پاکستان: کورونا وائرس کے مزید 29 مریض انتقال کرگئے

پاکستان میں کورونا وائرس کے مثبت کیسز کی شرح میں کمی ریکارڈ کی گئی ہے، گزشتہ 24 گھنٹوں کے دوران شرح 5 اعشاریہ ایک فیصد رہی ،مزید 2ہزار 253افراد میں کورونا وائرس کی تصدیق ہوئی ہے جبکہ مزید 29 افراد اس وباء سے انتقال کر گئے ہیں۔

نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق ملک بھر میں کورونا وائرس سے انتقال کرنے والوں کی مجموعی تعداد 13 ہزار 537 ہو گئی ہے، جبکہ کُل مریضوں کی تعداد 6 لاکھ7 ہزار 453 ہو چکی ہے۔