• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور،وکیل کی گاڑی پر فائرنگ کا مقدمہ تاحال درج نہ ہوسکا

میرا شہر
پشاور
20 مارچ ، 2021
پشاور(نیوز رپورٹر) تھانہ بڈھ بیر پشاور کی پولیس نے پشاور ڈسٹرکٹ کورٹس کے وکیل کی گاڑی پر فائرنگ کا مقدمہ تاحال درج نہ کر سکی اور نہ ہی پولیس نے اس حوالے سے کوئی گرفتاری عمل میں لائی ہے جس پر پشاور کی وکلاءبرادری نے غم و غصہ کا اظہار کرتے ہوئے ایف آئی آر کے اندراج کا مطالبہ کیا ہے ۔ پشاور ڈسٹرکٹ کورٹس کے وکیل نورشیر ایڈوکیٹ ساکن شیر آباد گزشتہ دنوں اپنے ساتھی کے ہمراہ گاڑی میں جا رہے تھے کہ اس دوران کھیتوں میں بیٹھے نامعلوم افراد نے ان پر فائرنگ کردی جس میں وہ با ل بال بچ گئے تاہم گاڑی کو جزوی نقصان پہنچا جسکے بعد تھانہ بڈھ بیر پولیس نے وکیل کی مدعیت میں نامعلوم افراد کےخلاف روزنامچہ رپورٹ درج کی تاہم ابھی تک روزنامچہ رپورٹ ایف آئی آر میں تبدیل نہیں کی گئی جس پر وکلاءنے پولیس کے اعلیٰ حکام سے مطالبہ کیا ہے کہ وہ فوری طور پر نوٹس لیں اور ایف آر درج کرکے ملوث افراد کو گرفتارکرے۔
تازہ ترین