کورونا کیسز میں اضافہ، لاہور کے اسپتالوں کی استعداد بڑھانے کا فیصلہ
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کورونا کیسز میں اضافہ، لاہور کے اسپتالوں کی استعداد بڑھانے کا فیصلہ

کورونا وائرس کیسز میں اضافے کے پیشِ نظر پنجاب حکومت نے لاہور کے اسپتالوں کی استعداد بڑھانے کا فیصلہ کیا ہے۔

وزیر صحت ڈاکٹر یاسمین راشد کا کہنا ہے کہ لاہور میں کورونا مریضوں کی تعداد میں اضافہ تشویشناک ہے۔

لاہور میں کورونا کی صورتحال کا جائزہ لینے کے لیے اجلاس ہوا، جس کی صدارت ڈاکٹر یاسمین راشد نے ویڈیو لنک کے ذریعے کی۔

اجلاس میں بتایا گیا کہ نیشنل ڈیزاسٹر مینجمنٹ اتھارٹی (این ڈی ایم اے) نے 114 نئے وینٹی لیٹرز فراہم کردیے ہیں جنہیں جلد از جلد فعال کردیا جائے گا۔

اسی طرح یہ بھی بتایا گیا کہ لاہور کے اسپتالوں میں بیڈز کی دستیابی سے متعلق معلومات کے لیے ہیلپ لائن قائم کردی گئی ہے۔

وزیر صحت ڈاکٹر یاسمین راشد نے ہدایت کی کہ لاہور سروسز اسپتال میں کوویڈ-19 مریضوں کے لیے انتظامات بہتر بنائے جائیں۔

قومی خبریں سے مزید