• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چینی کی مصنوعی قلت کے پیش نظرڈپٹی کمشنر نے ہول سیل ڈیلرز کااجلاس بلالیا

میرا شہر
ملتان
26 مارچ ، 2021
ملتان (سٹاف رپورٹر) میگا شوگر سکینڈل اور چینی کی مصنوعی قلت کے خدشہ کے پیش نظر ڈپٹی کمشنر علی شہزاد نے گزشتہ روز ہول سیل ڈیلرز کا اجلاس طلب کر لیا۔اجلاس میں غلہ منڈی کے چینی کے ہول سیل ڈیلرز فیصل شفیق، طاہر امین، محمد داود،شیخ عمران اور دیگر ڈیلرز نے شرکت کی۔ڈپٹی کمشنر علی شہزاد نے اجلاس سے خطاب کرتے ہوئے کہا کہ غلہ منڈی کی تاجر برادری کو پکڑ دھکڑ سے خوف زدہ ہونے کی ضرورت نہیں۔حکومت صرف ان عناصر کے خلاف کارروائی کررہی ہے جو چینی کی سٹہ بازی میں ملوث ہیں ،انہوں نے کہا کہ حکومت نے چینی کی ذخیرہ اندوزی اور مصنوعی قلت کے خاتمہ کے حوالے سے سخت ہدایات جاری کی ہیں،چینی کے ہول سیل ڈیلرز ضلعی انتظامیہ سے تعاون کریں،چینی کے سٹاک ڈیکلئیر کریں اور ذخیرہ اندوزی سے اجتناب کریں۔انہوں نے کہا تمام پرائس مجسٹریٹس کو ذخیرہ اندوزوں کے خلاف کریک ڈاؤن کا حکم دے دیا گیا ہے،چینی کے ہول سیل ڈیلرز نے ڈپٹی کمشنر کو مکمل تعاون کی یقین دہانی کراتے ہوئے کہا کہ شہر میں چینی اور اشیائے ضروریہ کی مصنوعی قلت کے خاتمے کے لئے ضلعی انتظامیہ کے ساتھ کھڑے ہیں۔
تازہ ترین