• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پارلیمنٹ کو بلڈوز کرکے900ارب کے ٹیکس لگائے جارہے ہیں،احسن اقبال

میرا شہر
لاہور
28 مارچ ، 2021
لاہور(مانیٹرنگ سیل)مسلم لیگ (ن) کے سینئر رہنما احسن اقبال نے کہا کہ پارلیمنٹ کو بلڈوز کرکے 9 سو ارب کے ٹیکس لگائے جارہے ہیں،معیشت کو چلانے کیلئے 5 سو ملین ڈالر آئی ایم ایف سے لئے جا رہے ہیں، عالمی مالیاتی ادارے کی قسط کی خاطر پاکستانی مالیاتی ادارے کو گروی رکھوایا جارہا ہے، آرڈیننس سے اسٹیٹ بینک پارلیمان کو جواب دہ نہیں رہے گا، پاکستان کی سالمیت پر بہت کاری ضرب لگائی جارہی ہے، ایوان صدر کو آرڈیننس فیکٹری بنادیا گیا ہے، 9 سو ارب کا مالیاتی بل آرڈیننس کے ذریعے نافذ کیا گیا، انہوں نے کہا کہ منی بجٹ کو پارلیمان سے پاس کرانا لازمی ہے، ہائر ایجوکیشن کمیشن پر حملہ کیا گیا، مسلم لیگ ن منی بجٹ اور ہائر ایجوکیشن آرڈیننس کوعدالت میں چیلنج کرےگی،ملتان میں پریس کانفرنس کے دوران احسن اقبال نے دعویٰ کیا کہ پیپلز پارٹی نے بی اے پی، جماعت اسلامی اور اے این پی کے ساتھ مل کر نیا اتحاد بنادیا ہے، انہوں نے کہا کہ پیپلز پارٹی نے جو کیا اس پر ہمیں دکھ ہے، یوسف رضا گیلانی ن لیگ کے ووٹوں سےسینیٹر بنے لیکن پی پی نے حکومت سے ادھار سینیٹر لے کر اپوزیشن لیڈر بنایا، ن لیگی رہنما نے مزید کہا کہ عمران خان سے یہ نظام نہیں چل رہا، بدلہ اداروں پر حملے کرکے لیا جارہا ہے، اس شخص نے براڈ شیٹ کی فائلیں بھی غائب کرادیں، انہوں نے کہا کہ آج پورا پاکستان اس حکومت کی سزا کاٹ رہا ہے، 90 دن میں جنوبی پنجاب صوبہ بننا تھا، آج اس کا نام و نشان تک نہیں جبکہ ہم نے جنوبی پنجاب، بہاولپور صوبے سے متعلق ترمیمی بل 2 سال سے جمع کرا رکھا ہے۔
تازہ ترین