ن لیگ یا کسی اور کے دباؤ میں فیصلہ نہیں کریں گے، کائرہ

پاکستان پیپلز پارٹی کے رہنما قمر زمان کائرہ نے کہا ہے کہ پیپلز پارٹی، مسلم لیگ ن یا کسی اور کے دباؤ میں آکر کوئی فیصلہ نہیں کرے گی۔

پروگرام آج شاہزیب خانزادہ کے ساتھ میں بات کرتے ہوئے انہوں نے کہا کہ پنجاب میں ن لیگ نے جس طرح تحریک انصاف کے ساتھ سینیٹ کے لیے ایڈجسٹمنٹ کی اس پر ہم بھی ڈیل کا الزام لگاسکتے تھے۔

حمزہ اور شہباز پنجاب میں عدم اعتماد کیلئے تیار نہیں، شاہد خاقان

انہوں نے کہا کہ عدم اعتماد کی تحریک کبھی اسٹیبلشمنٹ کی حمایت کے بغیر کامیاب نہیں ہوتی۔

اسی پروگرام میں مسلم لیگ ن کے سینئر نائب صدر شاہد خاقان عباسی نے پیپلز پارٹی کے اس دعوے کی تردید کی ہے کہ حمزہ شہباز اور شہباز شریف پنجاب میں عدم اعتماد کے لیے تیار ہیں۔