آپ آف لائن ہیں
پیر28؍شعبان المعظم 1442ھ 12؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جڑواں یوٹیوبرز کو ڈکیتی کا مذاق مہنگا پڑگیا

امریکا میں نوجوان جڑواں یوٹیوبرز بھائیوں کو ڈکیتی کرنے کے لیے ڈراما رچانا مہنگا پڑگیا، دونوں کو سلاخوں کے پیچھے ہوا کھانی پڑ گئی۔ 

غیرملکی میڈیا کی رپورٹ کے مطابق ان یوٹیوبر بھائیوں پر بینک ڈکیتی کا جرم ثابت بھی ہوگیا۔ 

ایلن اور ایلکس نامی دونوں بھائیوں کے یوٹیوب پر 60 لاکھ سے زائد فالوورز ہیں، اور انھوں نے اپنے چینل کے لیے ہی ویڈیو بنانے کی کوشش کی تھی۔ 

دونوں یوٹیوبر ڈاکوؤں کے روپ میں دکھائی دے رہے تھے، اور انھوں نے بیگ بھی لٹکائے ہوئے تھے، جبکہ اپنے بھاگنے کے لیے انھوں نے ایک ٹیکسی ڈرائیور کو بھی روک لیا۔ 

پولیس نے ٹیکسی ڈرائیور کو بندوق کے زور پر روک کر ان دونوں افراد کو گرفتار کرلیا تھا۔ 

ان پر ڈکیتی کا جرم تو ثابت نہ ہوسکا لیکن بھیس بدل کر جان لیوا مذاق کرنے کی پاداش میں ایک سال کی سزا سنادی گئی۔

دلچسپ و عجیب سے مزید