پرنس فلپ کی وفات پر 8 روزہ قومی سوگ کا اعلان

 برطانیہ میں ملکہ برطانیہ کے شوہر شہزادہ فلپ ڈیوک آف ایڈنبرگ کی وفات پر 8 روزہ قومی سوگ کا اعلان کردیا گیا ہے۔

لندن میں بکنگھم پیلس کے باہر لوگ جمع ہو کر پرنس سے اپنی محبت کا اظہار کر رہے ہیں۔

شاہی خاندان نے عوام سے پرنس فلپ کی یاد میں پھول رکھنے کے بجائے چیرٹی ڈونیشن کی درخواست کی ہے۔

عوام کے لیے تعزیتی پیغامات درج کرنے کیلئے آن لائن تعزیتی کتاب بھی موجود ہے۔

شہزادہ ہیری شہزادہ فلپ کی آخری رسومات میں شرکت کریں گے؟

خاندان کے سینئر ارکان کی حیثیت سے دستبردار ہونے والے شہزادہ ہیری کے حوالے سے کہا جارہا ہے کہ وہ دادا شہزادہ فلپ کی آخری رسومات میں شرکت کیلئے انگلینڈ واپس آئیں گے۔

پرنس فلپ کے انتقال پر برطانیہ اور دولت مشترکہ کے ممالک کے رہنماؤں سمیت عالمی قیادت کی طرف سے تعزیت کا سلسلہ جاری ہے۔

کورونا وبا کے سبب آخری رسومات سادگی سے انجام دی جائیں گی، پرنس فلپ کے پوتے شہزادہ ہیری کی شرکت بھی متوقع ہے۔

آنجہانی شہزادہ فلپ جہاز چلا سکتے تھے، طیارہ اڑا سکتے تھے، گھوڑا گاڑی بھی چلاتے، تصاویر پینٹ کرتے، شکار کرتے اور پولو بھی کھیلتے تھے.

وہ فلسفی اور تخلیق کار کی حیثیت سے بھی یاد رکھے جائیں گے، پرنس فلپ گذشتہ روز 99 سال کی عمر میں انتقال کر گئے تھے۔