شہزادہ فلپ کی آخری رسومات کی تیاریاں جاری

برطانیہ کے ونڈرکیسل میں ملکہ برطانیہ کے شوہر ڈیوک آف ایڈنبرا پرنس فلپ کی آخری رسومات کی تیاریاں جاری ہیں۔

شہزادہ فلپ کی آخری رسومات سترہ اپریل کو ادا کی جائیں گی۔

ادھر بکنگھم پیلس کے باہر سے چُھرا بردار شخص کو گرفتار کرلیا گیا۔

برطانوی شہزادی این نے اپنے والد کو خراج عقیدت پیش کرتے ہوئے پرنس فلپ کو اپنا استاد،سپورٹر اور ناقد قرار دیا۔ ان کا کہنا تھا کہ ان کی بھرپور زندگی اور بے لوث خدمات ایک مثال ہے۔

ادھر شاہی حیثیت سے دستبردار ہونے والے شہزادہ ہیری نے دادا کی آخری رسومات میں شرکت کے لیے برطانیہ واپسی پر خصوصی سفارتی استثنیٰ حاصل کرنے سے انکار کردیا ہے۔