زمبابوے کیخلاف ٹیسٹ سیریز کیلئے اسکواڈ میں شامل کھلاڑیوں کی ٹریننگ جاری
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زمبابوے کیخلاف ٹیسٹ سیریز کیلئے اسکواڈ میں شامل کھلاڑیوں کی ٹریننگ جاری

جنگ نیوز
فائل فوٹو

دورہ زمبابوے کی تیاری کے لیے پاکستان ٹیسٹ اسکواڈ کے ارکان کی قذافی اسٹیڈیم میں ٹریننگ جاری ہے، جہاں ٹیسٹ اسکواڈ کے ارکان کی کوویڈ-19 ویکسینیشن بھی کردی گئی۔

ٹیسٹ اسکواڈ نے قذافی اسٹیڈیم میں سیناریو میچ ٹریننگ سے قبل فزیکل ٹریننگ کی، جس کے بعد فیلڈنگ پریکٹس اور پھر سیناریو میچ کھیلے۔

بولرز اور بیٹسمینوں کو مختلف اہداف دیے گئے، اوپنر عمران بٹ اور عابد علی کو نئے گیند کے ساتھ خصوصی ٹریننگ کروائی گئی۔

دونوں کو 15 اوورز وکٹ پر رکنے جبکہ فاسٹ بولرز کو دو سے تین وکٹیں حاصل کرنے کا ہدف دیا گیا، بولرز 15 اوورز میں کوئی وکٹ حاصل نہ کرسکے۔

دوسری جانب اسکواڈ کے تمام کھلاڑیوں کو کوویڈ ویکسین کی پہلی خوراک دے دی گئی۔

ادھر سعود شکیل بھی مکمل فٹ ہوگئے ہیں اور ان کی زمبابوے روانگی یقینی ہے۔

کھیلوں کی خبریں سے مزید
Farman e Elhahi
X
Ejang Editions