شکیرا ’لیٹن امریکن میوزک ایوارڈ‘ ملنے پر خوش
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شکیرا ’لیٹن امریکن میوزک ایوارڈ‘ ملنے پر خوش

فیفا ورلڈ کپ 2010 کا مشہور زمانہ آفیشل ٹریک گانے والی کولمبین گلوکارہ شکیرا ’لیٹن امریکن میوزک ایوارڈز‘ کی دو کیٹیگریز میں ایوارڈ حاصل کرنے پر بہت خوش اور مسرور ہیں۔

شکیرا نے اپنے انسٹاگرام اکاؤنٹ پر ’لیٹن امریکن میوزک ایوارڈز‘ کی دو کیٹیگریز میں ایوارڈ حاصل کرنے کی تصدیق کی ہے۔


گلوکارہ نے اپنی کامیابی کی خبر اپنے مداحوں سے شئیر کرتے ہوئے لکھا کہ ’شیک کو لیٹن امریکن میوزک ایوارڈز میں دو کیٹیگریز میں ایوارڈز ملے ہیں۔‘

کیٹیگریز کے نام بتاتے ہوئے شکیرا نے لکھا کہ ’انہیں فیوریٹ پاپ آرٹسٹ اور فیوریٹ پاپ سانگ کی کیٹیگریز میں ایوارڈز ملے ہیں۔‘

خیال رہے کہ شکیرا نے اب  تک کی 717 نامزدگیوں میں سے 326 ایوارڈز اپنے نام کیے ہیں۔

جن میں تین گریمی ایوارڈز اور 12 لاطینی گریمی ایوارڈز شامل ہیں، اس کے علاوہ انہیں لاطینی فنکار ہونے کا اب تک کا سب سے بڑا اعزاز بھی حاصل ہے۔

واضح رہے کہ لیٹن امریکن میوزک ایوارڈز تقریب جمعرات کی رات فلوریڈا کے سن رائز میں بی بی اینڈ ٹی سینٹر میں منعقد ہوئی تھی جس کی میزبانی جیکولین براقامونٹیس نے کی تھی۔

انٹرٹینمنٹ سے مزید