ڈیری کے شعبے سے وابستہ افراد کو ہنرمند بنانے کی ضرورت ہے، صدر مملکت
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈیری کے شعبے سے وابستہ افراد کو ہنرمند بنانے کی ضرورت ہے، صدر مملکت

صدر مملکت ڈاکٹر عارف علوی نے کہا ہے کہ ڈیری کے شعبے سے وابستہ افراد کو ہنرمند بنانے اور جدید تکنیک سے آگاہی پیدا کرنے کی ضرورت ہے۔

ان خیالات کا اظہار انھوں نے ڈیری انڈسٹری کے وفد سے ملاقات میں کیا ہے۔

صدرمملکت کا کہنا تھا کہ روزگار کے مواقع پیدا کرنے اور زرِمبادلہ کے لیے ڈیری سیکٹر کو فروغ دینے کی ضرورت ہے۔

انھوں نے کہا کہ ڈیری صنعت کو جدید خطوط پر مستحکم اور ترقی دینے کی ضرورت ہے، ڈیری کے شعبے نے ملکی معیشت کی ترقی میں اہم کردار ادا کیا ہے۔

صدر مملکت نے ڈیری پروڈیوسر اور پراسیسر کو مناسب ماحول کی فراہمی پر حکومتی تعاون کا یقین دلایا ۔

ان کا کہنا تھا کہ حکومت نے معاشی نمو بڑھانے، غذائی تحفظ اور غربت کے خاتمے کیلئے اس شعبے پر توجہ دی۔


عارف علوی  نے کہا کہ اسٹیک ہولڈرز ڈیری سیکٹرکی ترقی کے لیے قومی حکمت عملی اور مستقبل کی پالیسی تیار کریں۔

قومی خبریں سے مزید