ناصر خان جان کی غیر شادی شدہ لڑکیوں کیلئے خصوصی دعا کے چرچے

20 اپریل ، 2021

پاکستان کے کامیڈین اور انٹرٹینر ناصر خان جان کی جانب سے غیر شادی شدہ لڑ کیوں کے لیے اس رمضان خصوصی دعا کی گئی ہے جو کہ انٹرنیٹ پر کافی مقبول ہو گئی ہے۔

ناصر خان جان نے گزشتہ دنوں سماجی رابطے کی ویب سائٹ ٹوئٹر پر ایک تصویر شیئر کی ہے جس میں انہیں مصلّے پر بیٹھے دعا مانگتے ہوئے دیکھا جا سکتا ہے۔

ناصر خان جان نے اپنی اس ٹوئٹ کے کیپشن میں غیر شادی شدہ، کنواری لڑکیوں کے لیے شادی کی دعا کرتے ہوئے لکھا ہے کہ ’ یا اللّٰہ جن کی شادی نہیں ہو رہی اُن کو میرے جیسا ہینڈسم لڑکا دے،‘ ناصر خان جان نے اپنی اس دعا کے آخر میں آمین کا اضافہ بھی کیا ہے۔

جہاں ناصر خان جان کی اس ٹوئٹ پر ڈھیروں لائیکس اور کمنٹ آ رہے ہیں وہیں اس ٹوئٹ پر ایک نوریح نامی انٹرنیٹ صارف نے لکھا ہے کہ ’ آپ جیسا کوئی میری زندگی میں آئے، تو بات بن جائے۔‘

اس کمنٹ کو ناصر خان جان کی جانب سے اپنے ٹوئٹر اکاؤنٹ پر ری ٹوئٹ بھی کیا گیا ہے ۔

تازہ ترین