سی پی این ای کی ابصار عالم پر قاتلانہ حملے کی مذمت
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سی پی این ای کی ابصار عالم پر قاتلانہ حملے کی مذمت

کونسل آف پاکستان نیوز پیپر ایڈیٹرز نے سینئر صحافی ابصار عالم پر قاتلانہ حملے کی مذمت کی ہے۔ 

سی پی این ای کا کہنا تھا کہ ابصار عالم پر حملہ دہشت گردی ہے، حکام فوری کارروائی کریں۔

سی پی این ای نے کہا کہ عدم برداشت کے کلچر کو لگام نہیں دی گئی، اب معاشرہ نتائج بھگت رہا ہے۔

اس کا کہنا تھا کہ ملک و سیاست کو ہوش مند بنانے کے لیے حکام کو آزادی رائے کو سنجیدگی سے یقینی بنانا چاہیے۔

سی پی این ای نے کہا کہ وہ ابصار عالم اور اُن کے اہل خانہ کے لیے دعاگو ہیں۔

خیال رہے کہ سینئر صحافی اور سابق چیئرمین پاکستان الیکٹرونک میڈیا ریگولیٹری اتھارٹی (پیمرا) ابصار عالم پر قاتلانہ حملہ ہوا، جس کے نتیجے میں وہ گولی لگنے سے زخمی ہوگئے تھے۔

زخمی ابصار عالمی نے اپنے بیان میں کہا تھا کہ مجھے لگا کہ ایک نامعلوم شخص میری طرف آرہا ہے، جو مجھ پر فائرنگ کر کے فرار ہوگیا۔

قومی خبریں سے مزید