راولپنڈی کے مختلف علاقوں میں آوارہ کتوں سے شہریوں کاجینا محال

میرا شہر

اسلام آباد

26 اپریل ، 2021

راولپنڈی (خبر نگار خصوصی ) راولپنڈی کے مختلف علاقہ جات میں آوارہ کتوں شہریوں کا جینا محال کر دیا ۔ خاص طور پر خواتین اور بچوں کا گھروں سے نکلنا بھی دشوار ہو چکاہے۔شہر بھر میں پھیلے ہوئے یہ آوارہ کتے گلیوں، چوراہوں اور سڑکوں پر سر عام گھومتے نظر آتے ہیں اور راہ چلتے شہریوں پر حملہ کر دیتے ہیں۔ ان آوارہ کتوں کے کاٹنے سے ساٹھ سے زائد شہری زخمی ہو چکے ہیں جن میں خواتین اور بچے بھی شامل ہیں۔انسانوں کے علاوہ ان آوارہ کتوں کے حملوں سے مویشی بھی محفوظ نہیں ہیں۔آریہ محلہ کے دودھ فروشوں کا کہنا ہے کہ یہ کتے دن اور رات گئے بکریوں پر حملہ کرتے ہیں انہیں شدید زخمی کر دیتے ہیں جس سے ہمارا بہت زیادہ نقصان ہوتا ہے۔بازاروں میں خریداری کی غرض سے جانے والی خواتین اور بچوں پر ان آوارہ کتوں کا شدید خوف طاری ہے۔یہ آوارہ کتے سائیکل اور موٹر سوئیکل سواروں پر بھی حملہ کرتے ہیں جس کے باعث دن میں کئی حادثات رونماء ہوتے ہیں ۔اس کے علاوہ ان آوارہ کتوں کی وجہ سے مختلف قسم کی بیماریاں پھیلنے کا بھی شدید خدشہ ہے۔راولپنڈی کے مختلف مقامات پر گلیوںاور محلوں میں کتے سرعام گھومتے ہیں جن کی وجہ سے بچوں اور خواتین سمیت مردوں کا بھی گھروں سے نکلنا مشکل ہو چکا ہے۔شہریوں نے کہا ہے کہ یہ کتے گھر کا دروازہ کھلا ملنے پر گھر کے اندر بھی داخل ہو جاتے ہیں اور حملہ کر دیتے ہیں۔ان آوارہ کتوں نے کئی معصوم بچوں پر بھی حملہ کر کے انہیں شدید زخمی کر دیا ہے۔راولپنڈی کے مختلف علاوہ جات جن میں گوالمنڈی،ٹیپو روڈ، چمن زار،کالج روڈ،نیا محلہ،آریہ محلہ،عثمان پورہ،فعاوہ چوک اور سٹی صدر روڈ شامل ہیں جن میں ان آوارہ کتوں نے شہریوں کا جینا محال کر دیا ہے۔شہریوں نے مطالبہ کیا ہے کہ فوری طور پر ان آوارہ کتوں کو ان علاقہ جات سے نکالا جائے تاکہ شہری سکون سا سانس لے سکیں اورخواتین اور بچے بغیر کسی خوف ک بازاروں میں خریداری کے لیئے جا سکیں۔

تازہ ترین