اکثر پٹیل کی ہیٹ ٹرک کی بدولت انڈین پریمیئر لیگ میں کنگز الیون پنجاب نے گجرات لائنز کو 23رنز سے ہرادیا۔
راجکوٹ میں کھیلے گئے میچ میں کنگز الیون پنجاب نے پہلے بیٹنگ کی، اوپنر مرلی وجے اور اسٹوائنس نے 65رنز کی شراکت قائم کی لیکن اسٹوائنس کے آؤٹ ہونے کے بعد لائن لگ گئی۔
مرلی وجے نے 55رنز بنائے، ساہا نے 33 اور ملر نے 31رنزاسکور کرکے ٹیم کو سنبھالا دیا، ٹیم آخری اوور میں 154رنز بناکر آؤٹ ہوئی، کوشک نے تین وکٹیں حاصل کیں۔
جواب میں گجرات لائنز کے کھلاڑی جم کر نہ کھیل سکے اور وقفے وقفے سے پویلین جاتے رہے۔ اس دوران اکثر پٹیل نے عمدہ بولنگ کرتے ہوئے ہیٹ ٹرک سمیت چار وکٹیں حاصل کیں، اُنہوں نے دنیشک کارتھک، براوو اور جدیجا کو شکار کیا، جیمز فالکنر 32رنز کے ساتھ ٹاپ اسکورر رہے، گجرات لائنز 9 وکٹ پر 131رنز بناسکی۔
فرمان الہی
نماز کے اوقات
