کراچی: ن لیگی کارکنان کا جشن، مریم نواز نے ویڈیو شیئر کردی

پاکستان مسلم لیگ (ن) کی نائب صدر مریم نواز نے کراچی کے علاقے بلدیہ ٹاؤن میں ضمنی الیکشن پر پارٹی آفس کے باہر کی ویڈیو شیئر کردی۔ 

خیال رہے کہ کراچی میں قومی اسمبلی کے حلقہ این اے 249 پر ضمنی الیکشن جاری ہے جس میں غیر حتمی و غیر سرکاری نتائج کے مطابق مسلم لیگ (ن) کے مفتاح اسماعیل آگے ہیں۔ 

اس حوالے سے پارٹی کارکنان کے جشن مناتے ہوئے مریم نواز نے مائیکرو بلاگنگ ویب سائٹ ٹوئٹر پر ایک ویڈیو شیئر کی۔ 

ویڈیو میں دیکھا جاسکتا ہے کہ بلدیہ ٹاؤن میں مسلم لیگ (ن) کے آفس کے باہر پارٹی ترانوں پر کارکن رقص کر ہے ہیں۔