-
فرمان الہی
-
نماز کے اوقات
- جمعہ 17؍شوال المکرم 1445ھ26؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستان کی ڈمپل گرل ہانیہ عامر کی جانب سے سوشل میڈیا پر عالمی وبا کورونا وائرس سے بچاؤ کے لیے ایس او پیز پر عمل درآمد سے متعلق اپیل کی گئی ہے جس پر انہیں تنقید کا سامنا ہے۔
ہانیہ عامر نے اپنے انسٹا گرام اکاؤنٹ پر اپنی ایک تصویر شیئر کی ہے جس میں وہ کہیں گھر سے باہر کھڑی دکھائی دے رہی ہیں، ہانیہ عامر نے اپنی تصویر پوسٹ کرتے ہوئے کیپشن میں لکھا ہے کہ ’آ پ سب خیریت سے محفوظ رہیں۔‘
ہانیہ عامر کا اپنی پوسٹ میں کہنا ہے کہ ’ماسک لازمی پہنیں اور گھروں میں رہیں، اپنے اور اپنے پیاروں کے لیے احتیاط کریں۔‘
ہانیہ عامر کی اس پوسٹ پر جہاں اُن کے مداحوں کی جانب سے ہزاروں لائیکس آئے ہیں وہیں کچھ انٹرنیٹ صارفین نے کمنٹ باکس میں ہانیہ عامر کی اس اپیل پر تنقید بھی کی ہے۔
مداحوں و فالوورز کا کہنا ہے کہ ہانیہ عامر خود باہر گھوم رہی ہیں اور ہمیں گھروں میں رہنے کا کہہ رہی ہیں۔
مداحوں کا ہانیہ عامر پر تنقید کرتے ہوئے کہنا ہے کہ وہ خود تو پاوری گرل دنا نیر کے ساتھ باہر گھومتی اور گھر میں پارٹی کرتی نظر آ رہی ہیں اور ہمیں ایس او پیز پر عمل کرنے کا کہہ رہی ہیں۔
