رشی کپور دلوں میں ہمیشہ زندہ رہیں گے: عدنان صدیقی

پاکستان شوبز انڈسٹری کے نامور اداکار عدنان صدیقی کا کہنا ہے کہ بالی ووڈ کے لیجنڈری اداکار رشی کپور ہمارے دلوں میں ہمیشہ زندہ رہیں گے۔

عدنان صدیقی نے بالی ووڈ اداکار رشی کپور کی پہلی برسی کے موقع پر اپنے تصدیق شدہ ٹوئٹر اکاؤنٹ پر اُن کی یادگار تصویر شیئر کی۔

اداکارہ نے ٹوئٹر پر رشی کپور کی تصویر شئیر کرتے ہوئے لکھا کہ ’یہ وہ آدمی تھے جو اپنی زندگی کے آخری لمحے تک جوان رہے۔‘

انہوں نے رشی کپور کی اداکارانہ صلاحیتوں کی تعریف کرتے ہوئے لکھا کہ ’وہ جو زندگی سے پیار کرتے تھے، اب تک کے سب سے زیادہ دلکش رومانٹک ہیرو تھے۔‘

رشی کپور کی پہلی برسی پر بیٹی کا جذباتی پیغام

بالی ووڈ کے لیجنڈری اداکار رشی کپور کی بیٹی ردھیما کپور کی جانب سے اپنے والد کی پہلی برسی کے موقع پر جذباتی پیغام سامنے آیا ہے۔

عدنان صدیقی نے مزید لکھا کہ ’رشی کپورصاحب! آپ بےشک اس دنیا سے چلے گئے ہیں لیکن آپ ہمارے دلوں میں ہمیشہ زندہ رہیں گے۔‘

واضح رہے کہ دُنیا بھر میں مشہور بھارتی لیجنڈری اداکار رشی کپور نے گزشتہ سال 30 اپریل کی صبح ممبئی کے این ایچ رلائنس اسپتال میں زندگی کی آخری سانسیں لیں۔

رشی کے بعد زندگی بس چل رہی ہے: نیتو کپور کا جذباتی پیغام

بالی ووڈ کے لیجنڈری اداکار رشی کپور کی اہلیہ و بھارتی اداکارہ نیتو کپور نے اپنے شوہر کی پہلی برسی کے موقع پر سوشل میڈیا پر جذباتی پیغام جاری کیا ہے۔

رشی کپور اور نیتو کپور کی ایک بیٹی اور ایک بیٹا ہے، اُن کی بڑی بیٹی ردھیما کپور ہیں جبکہ بیٹا بالی ووڈ اداکار رنبیر کپور ہے۔