علی گُل پیر نے کنگنا کے قہقہے لگوادیے

پاکستان کے معروف کامیڈین و گلوکار علی گُل پیر نے بالی ووڈ کی متنازع اداکارہ و ڈرامہ کوئین کنگنا رناوت کو قہقہے لگانے پر مجبور کردیا۔

حال ہی میں علی گُل پیر نے سماجی رابطے کی ویب سائٹ ٹوئٹر پر اپنی نئی پیروڈی ویڈیو شیئر کی جس میں اُنہوں نے بالی ووڈ اداکارہ کنگنا رناوت کی پیروڈی کی۔

ویڈیو میں کنگنا رناوت کہتی ہیں کہ کورونا وائرس کی وجہ سے بھارت کو پوری دُنیا کے سامنے بُرا دِکھایا جارہا ہے اور تمام بڑے ممالک ہمارے خلاف مہم چلا رہے ہیں۔

علی گُل پیر نے اسلام آباد ریستوران کی خواتین مالکان کی مزاحیہ ویڈیو بنادی

پاکستان کے معروف کامیڈین و گلوکار علی گُل پیر نے اُردو پر انگریزی زبان کو ترجیح دینے اور منیجر کا مذاق اُڑانے پر اسلام آباد ریستوران کی خواتین مالکان کی مزاحیہ ویڈیو بنادی جو سوشل میڈیا پر وائرل ہوگئی۔

کنگنا رناوت نے کہا کہ بھارت میں کورونا وائرس کی وجہ سے ہونے والی اموات کی لاشوں کو دُنیا کے مقبول ترین خبررساں ادارے بھاری قیمتوں میں فروخت کررہے ہیں۔

اُنہوں نے کہا کہ یہ ممالک پوری دُنیا کے سامنے ہمیں ایسے دِکھا رہے ہیں کہ جیسے بھارت کو تو طبی سہولیات کے بارے میں کچھ معلوم ہی نہیں، جیسے ہم انسان نہیں بلکہ بندر ہیں۔

علی گل پیر نے کرپشن سے نمٹنے کا حل بتا دیا

پاکستان کے معروف کامیڈین و گلوکار علی گُل پیر نے اپنی حالیہ دلچسپ ویڈیو میں کرپشن سے نمٹنے کا حل بتایا ہے۔

کنگنا رناوت کی اس ویڈیو پر کامیڈین اسٹار علی گُل پیر نے اپنے منفرد اور مزاحیہ انداز میں پیروڈی کی جسے ناصرف پاکستانی صارفین نے خوب پسند کیا بلکہ خود کنگنا نے بھی اس ویڈیو پر ردعمل دیا۔

بالی ووڈ اداکارہ نے علی گُل پیر کی پیروڈی ویڈیو پر اپنا ردعمل دیتے ہوئے کہا کہ ’آپ ایک مزاحیہ انسان ہیں اور آخر کار آپ نے مجھے ہنسنے پر مجبور کردیا ہے۔‘

اس کے ساتھ ہی کنگنا نے اپنے تبصرے میں قہقہے والے ایموجیز کا بھی اضافہ کیا۔

دوسری جانب علی گُل پیر نے کنگنا کے ردعمل کا جواب دیتے ہوئے کہا کہ ’ٹھیک ہے! ہم بہت ساری چیزوں پر اختلاف کرتے ہیں لیکن کم از کم ہم مل کر ہنس تو سکتے ہیں۔‘

واضح رہے کہ 1 ارب سے زائد آبادی والا ملک بھارت کورونا وائرس کے مریضوں کی تعداد کے حوالے سے ایک بار پھر دوسرے نمبر پر آ گیا ہے، جہاں اس وائرس سے 2 لاکھ 15 ہزار 542 ہلاکتیں ہو چکی ہیں جبکہ اس سے متاثرہ 1 کروڑ 95 لاکھ 57 ہزار 457 مریض سامنے آ چکے ہیں۔