• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فلسطینیوں سے اظہار یکجہتی کیلئے ملک بھر میں ریلیاں


فلسطینیوں سے اظہار یکجہتی اور قبلہ اوّل کی بازیابی کے لیے آج ملک بھر میں مختلف تنظیموں کے تحت ریلیاں نکالی گئیں۔

کراچی میں نمائش چورنگی سے تبت سینٹر تک ریلی نکالی گئی، شرکا نے ہاتھوں میں بینرز اور پلے کارڈز اٹھا رکھے تھے، جن پر اسرائیل نامنظور، فلسطین کی آزادی اور کشمیر کی آزادی پر مبنی نعرے درج تھے۔

کوئٹہ میں یوم القدس کی ریلی میکانگی روڈ پر واقع امام بارگاہ کلاں ہزارہ سے نکالی گئی۔

ریلی میں شیعہ مذہبی رہنما، عمائدین اور دیگر افراد شریک ہوئے۔

اسلام آباد میں مجلسِ وحدت مسلمین کے زیراہتمام ریلی کا انعقاد کیا گیا۔

پشاور میں یوم القدس پر جامع مسجد کوچہ رسال دار کے باہر احتجاجی مظاہرہ کیا گیا۔

لاہور میں مجلس وحدت مسلمین پاکستان کے زیر اہتمام جمعۃ الوداع کے موقع پر یوم القدس بائیک اور کار ریلی نکالی گئی۔

قومی خبریں سے مزید