لورالائی کی تحصیل دکی میں مسلح افراد کی فائرنگ سے دو افراد جاں بحق ہوگئے۔ نواب شاہ کے علاقے بالو جا قباء کے قریب مبینہ پولیس مقابلہ ایک ڈاکو ہلاک، 4 ڈاکو فرار ہوگئے۔
لیویز ذرائع کے مطابق فائرنگ کا واقعہ دکی کے نواحی علاقے اسماعیل شہر پیش آیا جہاں نامعلوم افراد نے جدید اسلحہ سے فائرنگ کرکے دو افراد کو قتل کردیا اور فرار ہوگئے۔ لاشیں ضروری کاروائی کے لئے مقامی اسپتال منتقل کردی گئیں۔
مقتولین کی شناخت وزیر خان اور صابر خان کے ناموں سے ہوئی ہے تاہم ابھی تک وجہ معلوم نہیں ہوسکی اسی حوالے سے مزید تفتیش کی جارہی ہے۔
پولیس کے مطابق بالو جا قباء تھانے کی حدود میں مبینہ طور پر پولیس مقابلے میں ایک ڈاکو غلام رسول لند ہلاک ہوگیا جبکہ اس کے 4 دیگر ساتھی فرار ہونے میں کامیاب ہوگئے۔
لاش کو پوسٹ مارٹم کے لئے پیپلز میڈیکل اسپتال منتقل کردیا گیا ہے۔
فرمان الہی
نماز کے اوقات
