شاہد آفریدی اور بیٹی کی آسماءالحسنیٰ سُنتے ویڈیو وائرل

08 مئی ، 2021

شاہد آفریدی اور چھوٹی بیٹی کی عاطف اسلم کی آواز میں آسماءالحسنیٰ سُننے کی ویڈیو وائرل

قومی کرکٹ ٹیم کے سابق کپتان اور مایہ ناز بلے باز شاہد آفریدی کی اپنی سب سے چھوٹی بیٹی عروہ کے ساتھ عالمی شہرت یافتہ گلوکار عاطف اسلم کی آواز میں ’اسماءالحسنیٰ‘ سُنتے ہوئے ویڈیو سوشل میڈیا پر وائرل ہوگئی ہے۔

ویڈیو میں دیکھا جاسکتا ہے کہ شاہد آفریدی کی بیٹی ’اسماءالحسنیٰ‘ سُنتے ہوئے دُعا کے لیے ہاتھ بھی اُٹھاتی ہیں۔

شاہد آفریدی نے خوبصورت ویڈیو شیئر کرتے ہوئے لکھا کہ ’والدین اپنے بچے کے لیے سب سے بہتر کام جو کرسکتے ہیں وہ یہ ہے کہ ان کے ساتھ وقت گزاریں، ان کی پرورش کریں اور اُنہیں اپنے سامنے بڑھتا ہوئے دیکھیں۔‘

سابق کپتان نے لکھا کہ ’زندگی کے سفر کے دوران اپنے اہلخانہ کے ساتھ وقت گزارنے اور اپنے چھوٹے چھوٹے لمحوں کو پسند کرتے ہوئے خوشی محسوس کررہا ہوں۔‘

اُنہوں نے مزید لکھا کہ ’الحمداللّہ، فیملی ٹائم۔‘

واضح رہے کہ شاہد آفریدی 5 بیٹیوں کے باپ ہیں۔ ان کی سب سے چھوٹی بیٹی عروہ گزشتہ سال فروری میں پیدا ہوئی تھی۔

شاہد آفریدی اکثر سوشل میڈیا پر اپنی بیٹیوں کے ہمراہ تصاویر شیئر کرتے رہتے ہیں جبکہ ماضی میں کئی بار آفریدی کی بیٹیاں والد کو کرکٹ گراؤنڈ میں سپورٹ کرنے بھی جا چکی ہیں۔

کھیلوں کی خبریں سے مزید