حیدرآباد: کورونا سے ابتک 30 پولیس افسر جاں بحق

سندھ کے دوسرے بڑے شہر حیدر آباد میں کورونا وائرس سے جاں بحق پولیس افسروں کی تعداد 30 ہو گئی، اہلکاروں کو وباء سے بچانے کے لیے ویکسی نیشن جاری ہے۔

کورونا وائرس کے خلاف جنگ میں فرنٹ لائن پر ہیلتھ ورکرز کے ساتھ فورسز کے جوان بھی صف آراء ہیں۔

نیو کراچی میں SOPs کی خلاف ورزی، رات گئے تک خریداری

نیو کراچی کے علاقے گودھرا میں ایس او پیز کی کھلم کھلا خلاف ورزی کی گئی، رات گئے تک تنگ گلیوں میں دکانیں کھلی رہیں، سیکڑوں لوگ عید کی خریداری میں مصروف رہے، جبکہ شہر کے مختلف علاقوں میں ایس او پیز پر عمل درآمد کیا جا رہا ہے۔

شدید گرمی میں کورونا وائرس سے آگہی مہم ہو یا ایس اوپیز پر عمل درآمد، پولیس اور قانون نافذ کرنے والے ادارے کے جوان آپ کو اپنے فرائض انجام دیتے ہوئے نظر آئیں گے۔

حیدر آباد سمیت سندھ بھر میں اب تک 6 ہزار سے زائد پولیس افسران اور جوان کورونا وائرس کا شکار ہوچکے ہیں جن میں سے 30 افسران جان کی بازی ہار گئے۔

ایس ایس پی حیدر آباد کہتے ہیں کہ حیدر آباد واحد ضلع ہے جہاں 4 ہزار سے زائد پولیس فورس کے اہلکاروں کو ویکسین لگائی جا رہی ہے، پولیس اہلکاروں کے ساتھ ان کی فیملی کو بھی ویکسین لگائی جا رہی ہے۔

کورونا وائرس کے شکار کئی افسران اب بھی آئسولیشن میں ہیں اور پولیس اہلکاروں کی بڑی تعداد صحت یاب ہو کر پھر عوام کی خدمت میں مصروف عمل ہیں۔