کرینہ اور سیف کے دونوں بیٹوں کی تصویر وائرل

بالی ووڈ اسٹار کرینہ کپور نے ماؤں کے عالمی دن کے موقع پر اپنے دونوں بیٹوں کی ایک ساتھ تصویر سوشل میڈیا پر شیئر کردی۔

 کرینہ کپور نے ماؤں کے عالمی دن پر دُنیا بھر کی ماؤں کو خراجِ تحسین پیش کرنے کے لیے سوشل میڈیا سائٹ انسٹاگرام کا رُخ کیا۔

بالی ووڈ بیبو نے اپنے تصدیق شدہ انسٹاگرام اکاؤنٹ پر اپنے دونوں بیٹوں کی تصویر شیئر کی جو بھائیوں کے خوبصورت رشتے کی عکاسی کررہی ہے۔

تصویر میں تیمور علی خان نے اپنے چھوٹے بھائی کو گود میں لیا ہوا ہے اور وہ بےحد خوش نظر آرہے ہیں۔

کرینہ کپور نے تصویر کے کیپشن میں لکھا کہ ’یہ دونوں مجھے اُمید دلاتے ہیں کہ آنے والا کل آج سے بہتر ہوگا۔‘

کرینہ کپور کے دونوں بیٹوں کی ایک ساتھ پہلی تصویر منظرِ عام پر

بالی ووڈ اسٹار کرینہ کپور نے پہلی مرتبہ اپنے دونوں بیٹوں کی ایک ساتھ تصویر سوشل میڈیا پر شیئر کردی۔

اداکارہ نے لکھا کہ ’دُنیا بھر کی طاقتور اور مضبوط ماؤں کو ہیپی مدرز ڈے۔‘

واضح رہے کہ کرینہ کپور اور سیف علی خان سال 2012 میں رشتۂ ازدواج میں منسلک ہوئے تھے۔

کرینہ کپور اور سیف علی خان کے ہاں پہلے بچے کی ولادت 20 دسمبر 2016 میں ہوئی تھی جبکہ اُن کے دوسرے بیٹے کی پیدائش رواں سال 21 فروری کو ہوئی۔

کرینہ کپور اور سیف کے ہاں دوسرے بیٹے کی پیدائش

بھارتی فلم انڈسٹری کی مقبول ترین جوڑی کرینہ کپور اور سیف علی خان کے ہاں دوسرے بیٹے کی پیدائش ہوئی ہے۔

تاہم ابھی تک کرینہ اور سیف کی جانب سے اُن کے چھوٹے بیٹے کا نام نہیں بتایا گیا ہے۔