• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عالمی وبا کورونا دنیا میں اب تک 7ملین افراد کو نگل گئی

آج کا اخبار
یورپ سے
10 مئی ، 2021
راچڈیل(ہارون مرزا) عالمی وباء کورونا وائرس نے دنیا بھر میں تقریبا 7ملین کے قریب افراد کو نگل لیا، تحقیق کاروں نے ایک تازہ تحقیق میں دعویٰ کیا ہے کہ سرکاری طور پر جاری کیے گئے اعدادو شمار کے مقابلے میں کورونا وائرس نے تقریبا دو گنا سے بھی زائد افراد کو ہلاک کیا ہے، تجزیہ کاروں کے مطابق کورونا وائرس نے بین الاقوامی سطح پر مجموعی طو رپر تقریبا 6.96ملین افراد کی جان لی ہے، ترقی پذیر ممالک میں کورونا کی جانچ اور صحت کی دیکھ بھال کے کمزور نظام کے باعث درست اعدادو شمار اکٹھے نہیں کیے جا سکے ،اس تحقیق کے مطابق مغربی ممالک میں انڈر رپورٹنگ کا ایک بہت بڑا واقعہ پیش آیا ہے جسے برطانیہ ، امریکہ اور اٹلی سمیت بڑی وبائی بیماریوں کا سامنا کرنا پڑا ہے، تحقیق کے مطابق وبائی مرض کے دوران جانچ کا سسٹم مغلوب اور کمزور ہونے کے باعث مریضوں کی بہت بڑی تعداد کوویڈ کے ٹیسٹ اور تصدیق کے بغیر ہی د م توڑ گئی، واشنگٹن یونیورسٹی کے ادارہ برائے صحت میٹرکس اور تشخیص نے متنبہ کیا ہے کہ اعداد و شمار سے ظاہر ہوا ہے کہ وبائی امراض کا اصل حصہ آنکھ سے ملنے کے مقابلے میں نمایاں طور پر بدتر ہے، امریکہ میں کوویڈ اموات کی سب سے زیادہ تعداد9لاکھ 5ہزار 289ہے جو سرکاری طو رپر 5لاکھ 74ہزار ریکارڈ کی گئی سے کہیں زیادہ ہے، اس کے بعد ہندوستان اور میکسیکو سرفہرست ہیں جہاں کورونا کے مریضوں کی تعداد لاکھوں میں ہے جو ڈبلیو ایچ او کے قد سے تین گنا زیادہ ہے، برطانیہ میں کورونا بحران کے دوران اب تک 2لاکھ 9ہزار661اموات کا دعویٰ کیاگیا ہے ،حقیقی اعدادو شمار اس سے بھی 60 ہزار زائد ہیں۔ اوپن یونیورسٹی کے ایک شماریاتی ماہر پروفیسر کیون میک کونے کے مطابق یہ یقین کرنے کی متعدد وجوہات ہیں کہ برطانیہ میں ہلاکتوں کی تعداد سرکاری اعداد و شمار سے کہیں زیادہ ہے کیونکہ پہلی لہر کے عروج پر کم از کم13ہزار سے زائد ہلاکتیں ہوئیں جن کی نشاندہی کوویڈ سے نہیں کی گئی لیکن کہا گیا کہ وہ مشکوک ہیں۔ بوبونک طاعون ، جسے بلیک ڈیتھ بھی کہا جاتا ہے تمام بیماریوں میں سب سے زیادہ مہلک تھا جس نے 14 ویں صدی میں تقریبا 200 ملین افراد کو ہلاک کیا۔ تاریخ کا دوسرا مہلک وبائی مرض چیچک جس نے 1980 میں بھیانک تباہی مچائی اور 56ملین لوگوں کی زندگیاں نگل گیاتھا۔ آئی ایچ ایم ایز کے ڈائریکٹر ڈاکٹر کرس مرے کا کہنا ہے کہ کوویڈ 19جتنی بھیانک بیماری ہے اور جس انداز میں پھیل رہی ہے تجزیہ سے ظاہر ہوتا ہے ریکار ڈکی گئی تعداد سے حقیقی اعدادو شمار کہیں زیادہ ہیں۔
تازہ ترین