کورونا کیسز کی سب سے زیادہ شرح اپردیر میں 18 فیصد ریکارڈ کی گئی جبکہ پشاور اور مردان میں ایک ہفتے کے دوران مثبت کیسز کی شرح 16،16 فی صد رہی۔
خیبرپختونخوا میں کورونا کیسز کی شرح سات فی صد رہی۔
محکمہ صحت کے مطابق خیبرپختونخوا میں 24 گھنٹوں میں 13 ہزار 885 افراد کو کورونا ویکسین لگائی گئی۔
ادھر لاہور میں کورونا مثبت کیسز کی شرح میں کمی نہ آ سکی، پنجاب میں مثبت کیسز کی شرح 9 فیصد جبکہ لاہور میں مثبت کیسز کی شرح 16 سے زیادہ ریکارڈ کی گئی۔
محکمہ صحت پنجاب کے مطابق پنجاب میں 24 گھنٹے کے دوران 13 ہزار 238 ٹیسٹ ہوئے جبکہ ایک ہزار 197 افراد میں کورونا کی تصدیق ہوئی اور 79 اموات ہوئیں۔