”تم فلسطینیوں کو خاموش نہیں کر سکتے“ ہیوسٹن میں مظاہرہ

امریکی شہر ہیوسٹن میں غزہ پر اسرائیلی جارحیت کی مذمت کرتے ہوئے فلسطینیوں کی حمایت میں مظاہرہ کیا گیا ہے۔

مظاہرین کے ہاتھوں میں موجود پلےکارڈز پر درج نعروں میں سے ایک نعرہ یہ بھی تھا کہ ”تم فلسطینیوں کو کبھی خاموش نہیں کر سکتے“۔

غزہ پر اسرائیلی حملے، 28 فلسطینی شہید، دنیا میں کیا کیا ہوا؟

غزہ کی پٹی پر قابض اسرائیلی فورسز کی فائرنگ سے 10 بچوں سمیت 28 فلسطینی شہید ہوگئے ہیں۔

مظاہرے کے شرکاء نے اسرائیل کی مذمت کرتے ہوئے فلسطینیوں کے حق میں بینر اٹھا رکھے تھے۔

شرکاء نے فلسطین سے اظہارِ یک جہتی کے لیے فلسطینی پرچم بھی اٹھا رکھے تھے۔

ہیوسٹن مظاہرے میں پلے کارڈز پر مختلف نعرے درج تھے جن میں سے چند یہ تھے کہ ”قبضہ ختم کرو، فلسطین کو آزاد کرو“، ”فلسطینیوں ہم آپ کی حمایت کرتے ہیں“، ”تم فلسطینیوں کو کبھی خاموش نہیں کرسکتے“۔