-
فرمان الہی
-
نماز کے اوقات
- بدھ 19؍ذوالحجہ 1445ھ 26؍جون 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
پاکستانی گلوکار عاصم اظہر نے اسرائیل کے ٹوئٹ کا منہ توڑ جواب دیتے ہوئے کہا ہے کہ اسرائیل کے سرکاری ٹوئٹر اکاؤنٹ کا دعویٰ غلط ہے۔
گلوکار عاصم اظہر نے اسرائیل کے سرکاری ٹوئٹر اکاؤنٹ کے ٹوئٹ پر اپنا ردِعمل دیتے ہوئے لکھا کہ ’سچی بات ہے کہ آپ کا ملک 1948 میں قائم ہوا تھا، معذرت کے ساتھ میرا مطلب ہے کہ دنیا پر مسلط کیا گیا تھا۔
گلوکار نے طنزیہ انداز میں لکھا کہ ’آپ تو ہم سے بھی ایک سال چھوٹے ہو، آئے بڑے 3000 سالوں والے۔‘
عاصم اظہر نے مزید لکھا کہ ’آپ دہشگردی ختم کریں۔‘
خیال رہے کہ اسرائیل کے سرکاری ٹوئٹر اکاؤنٹ نے اپنے ٹوئٹ میں دعوٰی کیا گیا ہے کہ ’ہم یہاں 3000 سال سے ہیں اور ہم یہاں رہنے کے لیے ہیں۔‘
اسرائیل کی جانب سے ٹوئٹ میں یہ دعوٰی بھی کیا گیا ہے کہ ’دہشتگرد خطے کو تشدد اور اندھیرے میں ڈوبانے کی کوشش کر رہے ہیں لیکن کبھی بھی غالب نہیں ہوسکتے ہیں۔‘
واضح رہے کہ حالیہ اسرائیلی حملوں میں اب تک 217 فلسطینی شہید اور 1400 سے زائد زخمی ہوچکے ہیں جن میں معصوم بچے اور خواتین بھی شامل ہیں جبکہ سیکڑوں عمارتیں بھی اب ملبے میں تبدیل ہوکر جارحیت اور ظلم کی کہانی بیان کررہی ہیں۔
