• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خواجہ آصف کیس، نیب کی متفرق درخواست سماعت کیلئے منظور

نیب نے خواجہ آصف کے خلاف آمدن سے زائد اثاثوں اور منی لانڈرنگ کے کیس میں دستاویزات کو ریکارڈ کا حصہ بنانے کے لیے متفرق درخواست دائر کر دی، لاہور ہائی کورٹ نے درخواست سماعت کے لیے منظور کر لی۔

لاہور ہائی کورٹ کی جسٹس عالیہ نیلم کی سربراہی میں 2 رکنی بنچ نے نیب کی متفرق درخواست پر سماعت کی۔

نیب پراسیکیوٹر نے موقف اپنایا کہ خواجہ آصف کے خلاف انکوائری راولپنڈی سے لاہور کیسے منتقل ہوئی اس کی دستاویزات پیش کر دی ہیں۔

متفرق درخواست میں خواجہ آصف کی انکوائری کی تفصیلات بھی لف کر دی ہیں۔

نیب پراسیکیوٹر سید فیصل رضا بخاری نے استدعا کی کہ خواجہ آصف کی درخواست ضمانت میں دستاویزات کو ریکارڈ کا حصہ بنانے کی اجازت دی جائے۔

قومی خبریں سے مزید