فرمان الہی
نماز کے اوقات
انسداد گھریلو تشدد اور تحفظ کا بل سینیٹ میں پیش کردیا گیا، جو قائمہ کمیٹی کے سپرد کردیا گیا۔ وزیر انسانی حقوق شیریں مزاری نے بل ایوان میں پیش کیا۔
شیری مزاری کا کہنا ہے کہ گھریلو تشدد کے انسداد کا بل دس ماہ کے بعد قومی اسمبلی سے منظورہوا، بل ایک طویل عرصہ بلاول بھٹو کی انسانی حقوق قائمہ کمیٹی میں پڑا رہا۔
شیریں مزاری نے کہا کہ سینیٹ اس بل کو فی الفور منظور کرے، انسداد گھریلو تشدد کا بل صوبوں میں ہے، بل پر سیاست نہ کریں۔
شیریں مزاری نے کہا کہ یہ بل قائمہ کمیٹی کے سپرد کیا جائے۔
کامران مرتضیٰ نے کہا کہ اس بل میں کچھ چیزیں ہماری خاندانی نظام سے متصادم ہیں، اس بل کو قائمہ کمیٹی کی سپرد کریں۔
انسداد گھریلو تشدد ترمیمی بل کی فوری منظوری کی تحریک سینیٹ میں پیش کردی گئی، تحریک کے حق میں 34 مخالفت میں 35 ووٹ آئے۔
ڈاکٹر وسیم نے کہا کہ اپوزیشن سے درخواست ہے بل کمیٹی میں آئے تو فوری منظور کروائیں۔
اپوزیشن لیڈر یوسف رضا گیلانی نے کہا کہ یہ بل ہم فوری طور پر منظور کروائیں گے۔
